~*~زراير من خرز عيوني~*~

بالسوق مستعجله

لمحتها وهي تلمع

وقفت قدامها

تأملتها

حجرها باللون العودي الشفاف

ذكرتني بشفافية روحك الطاهرة

تذكرتك يالغالي

تذكرته بالثوب الأبيض الصافي

بسيارته الذهبية

وسرعته الخيالية

وغابات عيونه من تحت نظارته

يوم حكيت له قصة قبل لا ينام..

احبك

قال وهو يشبه السكران..

بتنهيدة طيرت خصلات شعري السودا الطويلة

لاتنسي غيرتي

تذكرت جروحه..تذكرت عذابه..

تذكرتك يا غالي

تذكرت ليلة تمنيتك يا شمس ما تطلعي

ترجيتك يا قمر تضل سهران وتشاركني قصة شهريار

ليلة نامت فيها العصافير وقلت لها لا تصحي الى بعد ساعات

تذكرت قصايد..احلى من كل القصايد

تذكرت صهوة حصان كتبتها بشطر بيت من قصيدة

تذكرت فرقاك الي ابد ما انساه

:


:

فجأة..

صوت يصحيني من غيبوبتي!

تأمري بشي يا مدام!!

بدون شعور اعطيني هالأزارير

سأل بفضول: لمين تهديها؟

كان الجواب: لصندوق اسود!

قال :نععم!

قلت: اعطيني ياها


:


:


لفها بعلبتها المخملية السودا..

وبقلبه نعتني بالخبلة المجنونة

دفعت ثمنها والفرحة ملت قلبي

وهو بنظراته المستغربة الله يثبت العقل والدين


:


:



عيني ما فارقت العلبة

وصلت لمكان تسليم الهدية

..فتحت صندوق ذكرياتك..

ورميتها مع باقي هداياك

وقلت: اتمنى انها تعجبك.. يالغالي.

رغم انك تستاهل زراير من خرز عيوني!

تستاهل خاتم فضة بقطرة من دم قلبي

محفور عليه اسمك لكن بدون اسمي


:


:

غطيت الصندوق ورجعته مكانه

مع دمعة قهر على الي فات ومات

وعودة لزمن أمر من اي زمان



بقلمي
اتمنى ان تنال اعجابكم